Ika duha na namo nga nagbasa ug istorya didto
sa lumot ug gidala namo ang daghang mga libro.
Sa pag-adto namo didto nakita namo ang lu-oy
kaayong mga bata ug magul-anon. Sa dihang
nakita nila kami nalipay kaayo sila tungod
kay nakita nila ang daghang mga libro ug
nabati nila ang among mga istorya, ug nakita
namo ang maanindot kaayong mapahiyumong mga
mata sa mga bata. ug malipayon usab kami
nga nakita namo nga malipayon silang tanan.
ug ang mga ginikanan usab, nabati nila sa
ilang kasing kasing ang dakong kalipay sa
mga bata. Layo kaayo sa siyudad ang baranggay
lumot ug didto walay mga libro nga ilang
makita. Gusto gyud nilang magbasa ug makakita
sa nagkalainlaing mga picture books. Importante
kaayo nga malipayon ang ilang mga kasing
kasing bisan ug pobre kaayo ug layo sa siyudad,
pero maanindot kaayo ang ilang mga pahiyom
ug katawa, nga nakapatandog sa among mga
kasing kasing. Ug didto makita ninyo usab
ang maanindot nga palibot . Daghan kaayong
mga kakahuyan ug nagkalaing-laing mga tanom
na lagutmon , dili gyud ka magutom didto.
Nangadto kami didto niadtong Feb.15,2003.
naglakaw kami sa layong dalan ng tungason
kaayo pero bisan pa niana hayahay kaayo inig-abot
nimo didto sa ibabaw sa bungtod mabati ang
huyop sa bugnaw kaayong hangin , ug makita
nimo ang patag sa ubos , ug ang nagpalibot
na kabungturan. Natulog kami didto ug usa
ka gabii , nakita namo ang kahayag sa bulan
ngadto sa katibok-ang palibot sama sa kahayag
nga imong makita sa ilang mga panagway ug
nag sidlak sidlak nga mga bitu-on sa langit
sama sa mapahiyumong mga mata sa bata. Ug
nadungog usab namo ang nagkalaing- laing
tingog sa mga langgam, ug pagkabuntag mibisita
kami sa ilang simbahan ug mitambung kami
sa siremonya , maabi abihon kaayo ang mga
tawo didto ug mahigugma-on. Nalipay kaayo
silang tanan sa pagtambong namo sa siremonya
tungod kay permero pa nila nga nag saulog
sa misa . Ug pagkahuman sa misa gidala nila
kami didto sa usa ka nindot nga busay kauban
namo ang daghang mga bata ug mikuyog usab
ang ubang mga ginikanan.malipayon kaayo ang
mga bata pati na usab kami .ug pagkahapon
nanguli na kami among gisaaran ang mga bata
nga mobalik kami didto ug dad-on na usab
namo ang daghang mga libro, ug nadungog namo
ang tingog sa mga bata sa dakong pag pasalamat
nga nag ingon "Daghan kaayong salamat!!!
ug magahulat kami sa inyong pagbalik."ug
dako kaayo ang kalipay nga among gibati sa
among mga kasingkasing. Ang kalipay nga among
nabati sa among kasing kasing nagagikan sa
mga bata . Busa ang Mindanao Children's Library
magbisita sa mga bata didto sa kabukiran
nga walay mga libro tungod kay layo man kaayo
sa siyudad daghang mga bata ang walay edukasyon,ug
daghang dili makabalo mobasa. Ang ( MCL)
andam gayud nga motabang ngadto sa mga bata
sa kabukiran aron sa pagbasa ug mga istorya
nga nagagikan sa mga libro, ug nagkalaing
laing picturebooks nga wala pa nila nakita
sukad sukad. Silang tanan nagkinahanglan
gyud sa atong mga suporta aron ang ilang
magul -anong mga mata nga atong nakita mahatagan
na kini ug kahayag ug kalipay.